FERMERLƏRƏ DÖVLƏT QAYĞISI KƏND TƏSƏRRÜFATI MƏHSULLARI İSTEHSALININ ARTMASINA SƏBƏB OLMUŞDUR
Kənd Təsərrüfatı Nazirliyindən AZƏRTAC-a bildirmişlər ki, yeni emal müəssisələrinin fəaliyyətə başlaması, ölkə başçısının təşəbbüsü ilə dövlət büdcəsinin vəsaitləri hesabına texnika və gübrə alınaraq əlverişli şərtlərlə fermerlərə verilməsi aqrar sektorda məhsul istehsalının artırılmasına, regionlarda əhalinin güzəranının yaxşılaşmasına müsbət təsir göstərmişdir.
Bununla yanaşı, Azərbaycan Prezidentinin Sərəncamına əsasən 2007-ci ilin dövlət büdcəsindən ayrılmış 80 milyon manat vəsait hesabına 600 mindən çox fiziki və hüquqi şəxsə əkin sahələrinin becərilməsinə sərf edilən yanacaq və motor yağlarının, mineral gübrələrin alınması, buğda istehsalçılarına yardım verilməsi təmin olunmuş, bütün bunların da nəticəsində payızlıq taxıl və buğda sahələri 261 min hektar artmışdır.
Bölmənin digər xəbərləri
