FHN “Cənnət Park” yaşayış kompleksində baş verən yanğınla bağlı məlumat yayıb
Bakı, 6 fevral, AZƏRTAC
Fövqəladə Hallar Nazirliyi (FHN) Abşeron rayonu ərazisindəki “Cənnət Park” yaşayış kompleksində baş verən yanğınla bağlı məlumat yayıb.
FHN-dən AZƏRTAC-a bildiriblər ki, Abşeron rayonunda doqquzmərtəbəli yaşayış binasının beşinci mərtəbəsində ümumi sahəsi 80 kvadratmetr olan mənzil və içərisindəki əşyalar 40 kvadratmetr sahədə yanıb. Hadisə zamanı yanğınsöndürənlər binanın 15 sakinini təhlükəsiz əraziyə təxliyə ediblər. Bir nəfər isə xilas olunaraq təcili tibbi yardım briqadasına təhvil verilib. Mənzilin qalan hissəsi və digər mənzillər yanğından mühafizə olunub. Alov yanğından mühafizə bölmələri tərəfindən söndürülüb.
Hadisə ilə bağlı müvafiq qurumlar tərəfindən araşdırma aparılır.
Bölmənin digər xəbərləri
