FHN Dövlət Yanğından Mühafizə Xidməti seminar keçirib
Bakı, 14 fevral, AZƏRTAC
Fövqəladə Hallar Nazirliyinin (FHN) Dövlət Yanğından Mühafizə Xidməti Azərbaycan Respublikası Dövlət Neft Şirkətinin “Azneft” İstehsalat Birliyinin Ə.Əmirov adina Neft-qaz çıxarma idarəsinin 2 saylı neft-qaz çıxarma sahəsinin 10 saylı neft yığma məntəqəsinin neftvurma nasosxanasında “Nasos stansiyalarının yanğın təhlükəsizliyi” mövzusunda seminar keçirib.
FHN-dən AZƏRTAC-a bildiriblər ki, seminarda neftvurma nasos stansiyalarının yanğın təhlükəsizliyi ilə bağlı tövsiyələr verilib, ərazinin saxlanma xüsusiyyətləri, o cümlədən yollar, yanğın təhlükəsizliyi tələblərinə uyğun ara məsafələri, binalara, su mənbələrinə və digər obyektlərə keçid yolları ilə bağlı tələblərdən söz açılıb. Eyni zamanda, seminar iştirakçılarına maddə və materialların saxlanılması, nəqliyyat vasitələrinin müəssisə ərazisinə buraxılması, yanğınsöndürmə və yanğın rabitə, siqnalizasiya vasitələrinin saxlanılması, ilkin yanğınsöndürmə vasitələrinin təsnifatı, tətbiq olunma qaydaları barədə məlumat verilib.
Bölmənin digər xəbərləri
