FIDE bu il də veteran şahmatçılara illik maliyyə dəstəyi göstərib
Bakı, 10 mart, AZƏRTAC
Beynəlxalq Şahmat Federasiyası (FIDE) bu il də veteran şahmatçılara illik maliyyə dəstəyi göstərib.
AZƏRTAC xəbər verir ki, bu barədə FIDE-nin rəsmi saytında məlumat verilib. Məlumatda bildirilir ki, ümumilikdə bu məqsəd üçün 30 min avro vəsait ayrılıb. Belə ki, Rusiya, Gürcüstan, Polşa, Kuba, İsrail, Latviya, Qazaxıstan, Serbiya, Çexiya, Venesuela, Qırğızıstandan olan veteran şahmatçıların hər birinə 2500 avro ödənilib.
Qeyd edək ki, maliyyə dəstəyi şahmatın inkişafında böyük əməyi olan, lakin hazırda maliyyə vəziyyəti sabit olmayan və yaşı 65-dən yuxarı şahmatçılar, məşqçilər və mütəxəssislər üçün nəzərdə tutulub.
Bölmənin digər xəbərləri
