FİLİPPİN ERMƏNİ TERRORÇUSUNU ÖLKƏDƏN QOŞMUŞDUR
Frans-Press agentliyi Filippinin mühacirət xidmətinə istinadən xəbər vermişdir ki, hakimiyyət orqanları terrorçularla əlaqəsi olmaqda şübhəli bilinən Ermənistan vətəndaşını ölkədən qovmuşdur.
Mühacirət xidmətinin direktoru xanım Andrea Dominqo bildirmişdir ki, 41 yaşlı Xaçik Aslanyan “Aeroflot” aviasiya şirkətinə məxsus təyyarədə Filippin polislərinin müşayiəti ilə Yerevana göndərilmişdir.
Xanım Dominqonun sözlərinə görə, Ermənistan sakini “arzuolunmaz əcnəbi” idi və “ölkənin milli təhlükəsizliyinə qorxu” törədirdi.
Həmin şəxs 1997-ci ilin noyabrında Vankuver (Kanada) aeroportunda kommersiya reysi ilə Manilaya uçan təyyarəyə minərkən yaxalanmışdı. O zaman Kanada məhkəməsi onu həbs cəzasına məhkum etmişdi.
Aslanyan Kanadanın bir neçə həbsxanasında yatdıqdan sonra Filippinə qayıtmışdı. Lakin o, Türkiyənin bu ölkədəki səfirliyinə qarşı terrorçuluq aktı hazırlamaqda şübhəli bilindiyi üçün noyabr ayında Ankaranın xahişi ilə Manila şəhərində həbs olunmuşdu.
İki gündən sonra Aslanyan həbsxanadan qaçmağa müvəffəq olmuş, lakin dekabrın əvvəllərində polis tərəfindən yenidən yaxalanmışdır.
Bölmənin digər xəbərləri
