FRANSA PREZİDENTİ PEKİN OLİMPİYA OYUNLARININ AÇILIŞ MƏRASİMİNDƏ İŞTİRAK ETMƏYİ QƏRARA ALMIŞDIR
AZƏRTAC-ın xüsusi müxbiri Frans Press agentliyinə istinadla xəbər verir ki, Çinin Tibetdə törətdiyi hadisələri fransız ictimaiyyətinin qəzəblə qarşılamasına və Pekində keçiriləcək Yay Olimpiya oyunlarının açılış mərasimini boykot etmək barədə çağırışlarına baxmayaraq, Fransa Prezidenti Nikola Sarkozi açılış mərasimində iştirak etməyi qərara almışdır. Ölkə başçısı bu qərarını böyük səkkizliyin Yaponiyada keçirilən zirvə toplantısı zamanı çinli həmkarı Hü Jinto ilə iyulun 9-da keçirdiyi görüşdən sonra bəyan etmişdir.
Prezidentin qərarına haqq qazandırmış baş nazir Fransua Fillion Avropa İttifaqının sədri kimi Nikola Sarkozinin bu addımının qurumun üzv ölkələrinin rəhbərləri ilə razılaşdırıldığını bildirmişdir.
Fransanın nüfuzlu Xalq Hərəkatı Uğrunda Partiyası ( UMP ) prezidentin qərarını dəstəkləsə də, Sosialist, Yaşıllar və Kommunist partiyaları etirazla qarşılamışlar.
Bölmənin digər xəbərləri
