FRANSA XORUZU GƏLƏCƏK NƏSİLLƏR ÜÇÜN DONDURULACAQ
AZƏRTAC-ın xarici informasiya agentliklərindən aldığı xəbərə görə, fransızlar nəsli kəsilməkdə olan milli sərvəti gələcək nəsillər üçün qoruyub saxlamaq niyyətindədirlər. Söhbət ölkənin və milli futbol komandasının rəmzi sayılan məşhur xoruzdan gedir. Fransızlar onu həm də ev quşlarının ən qədim cinsi hesab edirlər.
Hazırda xoruzlar getdikcə azalır. Milli rəmzin nəslinin kəsilməsinə yol verməmək üçün alimlər xoruzun DNT-sini dondurmaq qərarına gəlmişlər. Bu, gələcəkdə həmin cinsi yenidən yetişdirməyə imkan verəcəkdir.
