FRANSADA CİNAYƏTKARLAR ZİREHLİ MAŞINDAN 900 MİN AVRO APARMIŞLAR
AZƏRTAC-ın xüsusi müxbiri xəbər verir ki, Fransanın liman şəhərlərindən birinin yaxınlığında cinayətkarlar pul daşıyan maşına hücüm etmiş və onu partladaraq 900 min avro aparmışlar.
Banditizmə qarşı mübarizə polisinin məlumatına görə, cinayətkarlar partlayıcı maddələrdən istifadə etməklə maşının qapısını açmağa cəhd göstərmişlər. Amma maşını bürümüş alov onlara mane olmuşdur. Vəziyyətin belə şəkil aldığını görən cinayətkar dəstə qapını ağır sialhlardan atəşə tutmaqla istədiyinə nail olmuş və maşının içərisindəki 900 min avronu götürərək iki maşınla aradan çıxmışdır.
Cinayətkarlar maşını partlatmazdan əvvəl onu müşayiət edən üç nəzarətçini tərksilah etməyə müvəffəq olmuşlar. Quldurlar onlara xəsarət yetirməmişlər.
Yerli polis cinayətkar dəstənin axtrışını təşkil etmişdir.
Bölmənin digər xəbərləri
