FRANSADA POLİSİN VƏ XÜSUSİ XİDMƏT ORQANLARININ SƏLAHİYYƏTLƏRİNİ GENİŞLƏNDİRƏN YENİ QANUN QÜVVƏYƏ MİNMİŞDİR

01.10.2004 [16:32]
Çap et
A⁺ A^-

AZƏRTAC İTAR-TASS agentliyinə istinadla xəbər verir ki, Fransada polisin və xüsusi xidmət orqanlarının səlahiyyətlərini əhəmiyyətli dərəcədə genişləndirən yeni qanun qüvvəyə minmişdir. Qanun şübhəli şəxslərin ibtidai həbs müddətini 48 saatdan 96 saatadək artırmaq hüququ verir, şəxsi telefon söhbətlərinə maneəsiz qulaq asmağa yol açır, polis əməkdaşlarının cinayətkar təşkilatlara “yeridilməsinə” icazə verir, informatorların dövlət büdcəsindən maliyyələşdirilməsini qanuniləşdirir.

Ədliyyə Nazirliyi tərəfindən hazırlanmış və parlamentdə təsdiq olunmuş qanun Fransa dövlətinin beynəlxalq terrorizmlə və mütəşəkkil cinayətkarlıqla mübarizənin səmərəliliyini artırmağa çalışdığını sübut edir.

Polis və xüsusi xidmət orqanları istənilən binalarda onların sakinlərinin və sahibinin iştirakı olmadan axtarış aparmaq, habelə vətəndaşların razılığı olmadan gizli qulaqasma qurğuları və kiçik videokameralar quraşdırmaq imkanı da əldə etmişlər.

FRANSADA POLİSİN VƏ XÜSUSİ XİDMƏT ORQANLARININ SƏLAHİYYƏTLƏRİNİ GENİŞLƏNDİRƏN YENİ QANUN QÜVVƏYƏ MİNMİŞDİR

MÜƏLLİFLƏ ƏLAQƏ

Bölmənin digər xəbərləri