FRANSADA QƏZA NƏTİCƏSİNDƏ 30 TON RADİOAKTİV MAYE SIZMIŞDIR
AZƏRTAC xəbər verir ki, Fransanın cənubunda nüvə yanacağı istehsal edən müəssisədə baş vermiş qəza nəticəsində tərkibində saflaşdırılmamış uran olan radioaktiv maye sızmışdır.
Fransa Nüvə Təhlükəsizliyi Agentliyinin nümayəndəsi Yevangeliya Peti demişdir ki, sızmış təxminən 30 min litr mayenin müəyyən hissəsi iki çaya tökülmüşdür.
Rəsmi şəxslərin sözlərinə görə, ərazinin radioaktiv zəhərlənməsi təhlükəsi yüksək deyildir. Qəzanın səbəbləri araşdırılır.
Bu yaxınlarda Yaponiyada 7 ballıq zəlzələ nəticəsində Fakusima prefekturasındakı atom elektrik stansiyasında radioaktiv su sızmışdı.
Ölkənin Ticarət və Sənaye Nazirliyindən bildirmişlər ki, istifadə olunmuş nüvə yanacağı ilə dolu çəndən 20 litrə yaxın radioaktiv su sızmışdır. Xoşbəxtlikdən zəhərli su müəssisənin hüdudlarından kənara axmamışdır.
Bölmənin digər xəbərləri
