Fransanın enerji şirkəti gələn il yanacağın qiymət həddini dəyişməyəcək
Bakı, 18 oktyabr, AZƏRTAC
Fransanın “TotalEnergies” enerji kompaniyası 2024-cü ilin sonunadək öz yanacaqdoldurma məntəqələrində yanacağın litrinin qiymət tavanını 1,99 avro həddində saxlayacaq.
AZƏRTAC xəbər verir ki, bu barədə Fransanın iqtisadiyyat, maliyyə, sənaye və rəqəmsal suverenlik naziri Brüno Le Mer RTL radiosunun efirində deyib. Onun sözlərinə görə, kompaniya yanacağın qiymətinin 1,99 avrodan yuxarı qalxmaması üçün tədbirlər görüb. 2024-cü ilin sonunadək bu qiymət tavanı bütün yanacaqdoldurma məntəqələrində bütün növ yanacağa tətbiq olunacaq.
Enerji bazarındakı tendensiyaları şərh edən nazir çox şeyin Yaxın Şərqdə baş verən proseslərdən asılı olacağını vurğulayıb. O qeyd edib ki, böhran lokal xarakter daşısa, nəticələr də lokal olacaq, lakin münaqişə region ölkələrinə sıçrasa, enerji qiymətləri üçün ciddi nəticələr doğuracaq.
Bölmənin digər xəbərləri
