“FÜYUZAT” JURNALININ YENİ NÖMRƏSİ ÇAPDAN ÇIXMIŞDIR
Bakı, 28 mart (AZƏRTAC). “Nur” nəşriyyat-poliqrafiya mərkəzində “Füyuzat” jurnalının növbəti nömrəsi çapdan çıxmışdır.
Jurnalın bu nömrəsinin ilk səhifəsində nəşrin baş redaktoru, filologiya elmləri doktoru, professor Teymur Əhmədovun 20 Yanvar və Xocalı faciələrindən bəhs edən analitik yazısı dərc edilmişdir. Filologiya elmləri namizədi Firdovsiyyə Əhmədovanın “Azərbaycanın istiqlaliyyəti 90 il öncə beynəlxalq səviyyədə tanındı”, professor Rafiq Əliyevin “Bəxtiyar zirvəsi”, Füzuli Sabiroğlunun “Şeyx Nizaminin məzarı”, Muxtar Cəfərlinin “Həqiqət Günəşi” sərlövhəli yazıları və başqa faydalı, düşündürücü materiallar nəfis tərtibatla verilmişdir.
Jurnalın təsisçisi Milli İrsi Tarixi Araşdırmalar Fondudur.
Bölmənin digər xəbərləri
