Füzuli Məmmədov: Meydana yalnız qələbə üçün çıxacağıq
Bakı, 26 avqust, AZƏRTAC
Meydanda yalnız qələbə üçün çıxacağıq.
AZƏRTAC xəbər verir ki, bunu “Neftçi” komandasının baş məşqçisi Füzuli Məmmədov UEFA Avropa Liqasının birinci təsnifat mərhələsində qarşılaşacaqları Şimali Makedoniya təmsilçisi “Şkupi” ilə matçdan əvvəl keçirdiyi mətbuat konfransında deyib.
Baş məşqçi deyib: “Rəqib komandanı tam təhlil etmişik. Bütün məlumatları futbolçulara çatdırmışıq. Matça çox ciddi yanaşırıq. Komandamız da oyuna tam hazırdır. Qələbə qazanmaq üçün əlimizdən gələni edəcəyik. Bütün rəqiblərə hörmətlə yanaşırıq. Hər zaman meydana yalnız qələbə üçün çıxırıq”.
Mütəxəssis “Şkupi”nin heyətindəki azərbaycanlı futbolçu Elvin Yunuszadənin “Neftçi” barədə məlumatlı olmasından da danışaraq qeyd edib ki, Elvin ölkə futbolu barədə məlumatlıdır. Amma bu, bizi qorxutmur. Əksinə, əlavə motivasiya verir.
43 yaşlı mütəxəssis çempionatın növbəti turuna kimi yeni hücumçunun komandaya qoşulacağını da bildirib.
Qeyd edək ki, avqustun 27-də “Bakcell Arena”da keçiriləcək “Neftçi” - “Şkupi” oyunu saat 20:00-da başlayacaq.
Bölmənin digər xəbərləri
