G7-dən Amazon meşələrindəki yanğınları söndürmək üçün 20 milyon avro yardım
Bakı, 26 avqust, AZƏRTAC
G7 ölkələri Amazon meşələrindəki yanğınları söndürmək üçün 20 milyon avro dəyərində yardım ayıracaq.
AZƏRTAC xarici KİV-ə istinadla xəbər verir ki, bu barədə Fransa Prezidenti Emmanuel Makron Çili Prezidenti Sebastian Pinera ilə keçirdiyi birgə mətbuat konfransında məlumat verib.
E.Makron Amazon meşələrindəki yanğınların təkcə yayıldığı ölkələr üçün deyil, bütün insanlıq üçün faciə olduğunu deyib. Əlavə edib ki, Fransa yanğınların söndürülməsi üçün əlavə hərbi qüvvələr də göndərəcək. G7 ölkələrinin hamısının Amazon meşələrindəkı meşə yanğınlarının söndürülməsinə kömək etmək barədə razılığa gəldiklərini bildirən E.Makron ABŞ Prezidenti Donald Tramp ilə də bu mövzunu müzakirə etdiklərini deyib. O, Afrikadakı meşə yanğınlarının söndürülməsinə də dəstək ola biləcəklərini və bunu Afrika Birliyi Komissiyasının sədri Musa Faki Məhəmməd ilə müzakirə edəcəklərini bildirib.
Bölmənin digər xəbərləri
