GDU ilk dəfə “QS Avropa” və Qərbi Asiya universitetlərinin reytinq siyahısında yer alıb
Gəncə, 29 yanvar, Elcan Məmmədov, AZƏRTAC
“Quacquarelli Symonds” (QS) beynəlxalq reytinq agentliyi tərəfindən dərc olunmuş “QS Avropanın ən yaxşı universitetlərinin reytinqi”ndə yer alan Azərbaycan universitetlərinin sayı ötən illə müqayisədə 9-dan 15-ə yüksəlib. Reytinqdə təmsil olunan 42 ölkədən 958 universitet arasında bu il 6 Azərbaycan universiteti ilk dəfə olaraq siyahıya daxil edilib.
Universitetdən AZƏRTAC-ın bölgə müxbirinə verilən məlumata görə, Gəncə Dövlət Universiteti “QS Avropa” reytinq siyahısında 701-900 diapazonunda qərarlaşaraq, bu siyahıda ilk dəfə iştirak etməklə uğurlu debütə imza atıb. GDU, həmçinin “QS Qərbi Asiya” reytinqində 79-cu yerə layiq görülüb.
Qeyd edək ki, reytinqin əvvəlki buraxılışı ilə müqayisədə siyahıda yer alan Azərbaycan universitetlərinin əksəriyyəti bu il “Akademik nüfuz”, “İşəgötürənlər arasında nüfuz”, “Məşğulluq nəticələri”, “Əcnəbi müəllim payı” və “Müəllim-tələbə nisbəti” kimi əsas indikatorlar üzrə mövqelərini daha da yaxşılaşdırıb.
Bölmənin digər xəbərləri
