GƏDƏBƏYDƏ BAŞ VERMİŞ YOL-NƏQLİYYAT QƏZASINDA İKİ NƏFƏR ÖLMÜŞDÜR
Daxili İşlər Nazirliyinin mətbuat xidmətindən AZƏRTAC-a bildirmişlər ki, Əhməd Qasımov Gədəbəy rayonu ərazisində idarə etdiyi “UAZ” markalı avtomaşını Gərgər çayına aşırmışdır. Nəticədə avtomaşında olan sərnişinlərdən Allahverən Mirnağıyev və Momuş Qarayev hadisə yerində ölmüş, xəsarət almış Murad, Elçin, Yeganə, Azad Cəfərovlar, Vaqif Kərimov, Yolçu Vəliyev və Ə.Qasımov xəstəxanaya yerləşdirilmişlər.
Hacıqabulda isə Şəki şəhər sakini Telman Məhərrəmov sürdüyü “Mercedes” markalı avtomaşınla Famil Quliyevi vurub öldürmüşdür.
Hər iki hadisə ilə bağlı cinayət işi açılmışdır, təhqiqat aparılır.
Bölmənin digər xəbərləri
