GƏMİLƏR DƏNİZ NEFTÇİLƏRİNİN TƏHLÜKƏSİZLİYİNİ TƏMİN EDƏCƏK
Azərbaycan Dövlət Xəzər Dəniz Gəmiçiliyindən AZƏRTAC-a bildirmişlər ki, havaların kəskin surətdə pisləşməsi ilə əlaqədar olaraq, ekstremal şəraitdə işləyən dəniz neftçilərinin təhlükəsizliyini təmin etmək üçün bir neçə gəmi ayrılmışdır. Onlar “Neft daşları”, “Abşeron”, “Bahar”, “Ələt” və digər neft yataqlarında növbə çəkirlər.
Havanın kəsgin surətdə dəyişməsinə baxmayaraq, dənizdəki neft platformalarında iş dayandırılmamışdır. Bu yaxınlarda “Günəşli” yatağında gündə 100 ton neft hasil edilən quyu əsaslı təmirdən sonra istifadəyə verilmişdir. Həmin yataqda gündə 150 ton neft verən yeni istismar quyusu qazılmışdır.
Ötən 11 ayda dənizdə 6 milyon 762 min ton neft çıxarılmışdır ki, bu da nəzərdə tutulduğundan 30 min ton çoxdur.
Bölmənin digər xəbərləri
