GƏMİRİCİLƏRƏ QARŞI MÜBARİZƏ TƏDBİRLƏRİ GÜCLƏNDİRİLİR
Ağsu, 12 mart (AZƏRTAC). Rayonun düzən və dağətəyi ərazilərindəki taxıl və otlaq sahələri gəmiricilərin hücumuna məruz qalmışdır.
Son vaxtlar hava şəraitinin mülayim keçməsi onların kütləvi sürətdə artmasına və sahələrə ciddi ziyan vurmasına səbəb olmuşdur.
Hazırda zərərvericilərin daha çox yayıldığı yerlərdə mübarizə tədbirləri gücləndirilir. Rayon bitki mühafizəsi mərkəzindən verilən məlumatda göstərilir ki, mütəxəssislər tərəfindən yerlərdə monitorinq aparılmış və gəmiricilərin vurduğu ziyanın həcmi öyrənilmişdir. Xüsusilə Kəndoba, Cəlayir, Hacıuşağı, Ərəbmehdibəy, Xəlilli və bir sıra digər ərazi vahidlərində gəmiricilərin daha çox yayıldığı aşkar edilmişdir. Hazırda bu ərazilərdə gəmiricilərə qarşı ciddi mübarizə tədbirləri həyata keçirilir. Mütəxəssislərin nəzarəti altında sahələrə zəhərli-kimyəvi maddələr verilir.
Bölmənin digər xəbərləri
