Gəncədə iqtisadi və sosial sahələr dinamik inkişaf edir
Gəncə, 11 noyabr (AZƏRTAC). Cari ilin ötən dövrü ərzində Gəncənin iqtisadi və sosial inkişaında müsbət irəliləyişlərə nail olunmuşdur.
Bu barədə AZƏRTAC-a məlumat verən şəhər statistika idarəsinin rəis müavini Gülşən Əhmədli demişdir ki, 3-cü rübün yekunlarına görə şəhərdə 546,6 milyon manatlıq məhsul istehsal edilmişdir ki, bu da keçən ilin müvafiq dövrü ilə müqayisədə 27 faiz çoxdur. Tikintiyə 225,6 milyon manat vəsait cəlb edilmişdir. Pərakəndə əmtəə dövriyyəsi keçən ilin müvafiq dövrü ilə müqayisədə 13,1 faiz artaraq 400,1 milyon manat olmuş, iaşə dövriyyəsinin həcmi 1,3 faiz artaraq 18,9 milyon manat, pullu xidmətlərin həcmi 1,2 faiz artaraq 198,3 milyon manat təşkil etmişdir.
Beləliklə əhalinin hər nəfərinə düşən əmtəə dövriyyəsinin həcmi orta hesabla hər ay 137 manat qeydə alınmışdır.
Bölmənin digər xəbərləri
