REGİONLAR
Gəncədə narkotik vasitənin təsiri altında avtomobil idarə edən şəxslər saxlanılıb VİDEO
Gəncə, 24 may, Elcan Məmmədov, AZƏRTAC
Gəncə şəhərində “VAZ” və “Hyundai” markalı avtomobillərin sürücüləri Elsevər Qeybəliyev və Cavidan Xasayev narkotik vasitənin təsiri altında avtomobil idarə etdikləri üçün barələrində toplanmış materiallar hüquqi qiymət verilməsi üçün aidiyyəti məhkəməyə göndərilib.
Daxili İşlər Nazirliyinin mətbuat xidmətinin Gəncə regional qrupundan AZƏRTAC-ın bölgə müxbirinə verilən məlumata görə, bundan başqa monitorinqlər zamanı bir qrup gəncin özlərinə məxsus müxtəlif markalı avtomobillərlə qanunla qadağan edilməsinə baxmayaraq avtomobilə konstruksiya dəyişikliyi edərək digər hərəkət iştirakçılarına təhlükə yaratdığı məlum olub. Həmin sürücülər saxlanılaraq profilaktiki söhbət aparılıb və barələrində qanunamüvafiq tədbir görülüb.
Qanunsuz dəyişikliklər aradan qaldırıldıqdan sonra nəqliyyat vasitələri istismara buraxılıb.
