GƏNCƏDƏ ZONA MÜŞAVİRƏSİ KEÇİRİLMİŞDİR
AZƏRTAC xəbər verir ki, bu fikirlər korrupsiyaya qarşı mübarizə istiqamətində həyata keçirilən tədbirlərin müzakirəsi ilə əlaqədar Gənclər və İdman Nazirliyinin respublika Baş Prokurorluğu ilə birgə Gəncədə təşkil etdiyi zona müşavirəsində səslənmişdir. 19 rayondan gəlmiş nümayəndələrin iştirakı ilə keçirilən tədbirdə bütün dünyada sosial bəlaya çevrilmiş korrupsiyanın törətdiyi bəlalardan söhbət açılmış, bu istiqamətdə reallaşdırılan tədbirlər ətraflı müzakirə edilmişdir. Qeyd olunmuşdur ki, “Korrupsiyaya qarşı mübarizə haqqında” Qanunun qəbul edilməsi, respublikanın Baş Prokurorluğu yanında Korrupsiyaya Qarşı Mübarizə İdarəsinin fəaliyyətə başlaması bu sahədə aparılan mübarizəyə xeyli təkan vermişdir. İdarəyə daxil olan 200-ə yaxın müraciətdən 40-ı araşdırılmaq üçün məhkəmələrə göndərilmişdir.
Müşavirədə, həmçinin korrupsiyaya qarşı mübarizənin gücləndirilməsində ictimaiyyətin rolunun gücləndirilməsi məsələsi müzakirə olunmuşdur.
