GƏNCƏDƏKİ “XAN BAĞI” YENİ “SAKİNLƏRİNİ” QƏBUL ETDİ

15.11.2003 [13:41]
Çap et
A⁺ A^-

Gəncədəki “Xan bağı”nın 300 ilədək yaşı vardır. Vaxtilə burada 160 növədək nadir ağac olmuşdur. Bu ağacların quruması və yenilərinin isə əkilməməsi nəticəsində hazırda bağda ancaq 90-dək ağac növü qalmışdır.

AZƏRTAC-ın müxbiri xəbər verir ki, Gəncənin dendrarisi hesab olunan bağ ikinci gəncliyinə qədəm qoymuşdur. Burada geniş abadlıq işləri aparılmış, səliqə-sahman yaradılmışdır. Bu günlərdə isə bağda nadir ağacların əkilməsinə başlanmışdır. Hələlik Lənkərandan gətirilmiş bir neçə növ nadir ağac əkilmiş, bağın yeni “sakinləri”nin Gəncənin iqliminə uyğunlaşdırılması üçün mütəxəssislərə tapşırıqlar verilmişdir.

Bağda nadir ağacların bərpası işi başa çatdırıldıqdan sonra buraya bir neçə dələ buraxılması da nəzərdə tutulmuşdur.