GƏNCLƏR TƏŞKİLATI SEMİNAR-KONFRANS KEÇİRMİŞDİR
Assosiasiyanın rəhbəri Rəşad Şirinov AZƏRTAC-ın müxbirinə bildirmişdir ki, son on ildə baş verən hadisələr təhlükəsizlik probleminə daha diqqətlə yanaşmaq, dövlətlər arasında münasibətlərin kökünə, Avropa qonşuluq siyasətinə müraciət etmək zəruriyyəti yaradır. Azərbaycan NATO-nun “Sülh naminə tərəfdaşlıq” proqramının iştirakçısı və deməli, Avropa təhlükəsizliyinin bir hissəsidir. Onun sözlərinə görə, təhlükəsizlik məsələlərinə NATO ilə Avropa İttifaqı, ABŞ, Avropa, Mərkəzi Asiya və Qafqaz arasında başlıca problemlər, habelə yaxın və uzaq qonşuların Azərbaycanla bağlı siyasəti aiddir.
Təhlükəsizlik məsələlərinə həsr olunmuş növbəti seminar yanvarın sonlarında keçiriləcəkdir.
