Gimbe Fondu: İtaliyada COVID-19-a yoluxma intensivliyi 13 faizədək artıb
Roma, 4 noyabr, AZƏRTAC
Ötən bir həftədə İtaliyada COVID-19 infeksiyasına yoluxma hallarının intensivliyi 12,9 faiz artıb.
AZƏRTAC xəbər verir ki, Gimbe Fondunun 27 oktyabr - 2 noyabr tarixlərini əhatə edən dövrdə apardığı müstəqil araşdırmaya əsasən, ölkədə COVID-19-a həftəlik yoluxma halları 25 min 585-dən 29 min 841-ə yüksəlib. COVID-19-a yoluxma hallarında 16,6 faiz, xəstəxanaya müraciət edənlərin sayında 14,9 faiz, reanimasiyadakı xəstələrin sayında isə 12,9 faiz artım müşahidə olunub.
COVID-19 əleyhinə yeni peyvəndlərin tətbiqi son bir həftə ərzində 39,6 faiz azalıb. Belə ki, 11-17 oktyabr tarixlərində həftəlik 440 min olan peyvəndlərin sayı sonrakı həftə 239 minə (45,7 faiz azalma), keçən həftə isə 144 minə geriləyib. Yeni peyvənd olunanların sayı gündəlik təxminən 20 minə enib.
Nihad Budaqov
AZƏRTAC-ın xüsusi müxbiri
Roma
Bölmənin digər xəbərləri
