GÖRÜŞDƏ ÖLKƏLƏRİMİZ ARASINDAKI ƏMƏKDAŞLIQDAN DANIŞILMIŞDIR
AZƏRTAC xəbər verir ki, Azərbaycanın əmək və əhalinin sosial müdafiəsi naziri Əli Nağıyevin Yaponiyanın ölkəmizdəki səfiri Toşiyuki Fucivara ilə görüşündə Yaponiya və Azərbaycan arasında yaranmış diplomatik münasibətlərin əlaqələrimizdə yeni səhifə açdığı vurğulanmışdır. Bildirilmişdir ki, Azərbaycanda müharibə əlilləri üçün müalicə pansionatı, Uşaq Bərpa mərkəzi, ölkənin qərbində - Gəncə şəhərində Protez-Ortopedik bərpa mərkəzi tikilib istifadəyə verilmiş, sosial obyektlər Yaponiya hökumətinin qrantı hesabına tibbi avadanlıqla təmin edilmişdir.
Səfir Toşiyuki Fucivara Bakıda çalışdığı üç ilə yaxın müddətdə hər yerdə yalnız səmimiyyət gördüyünü, Azərbaycan xalqının qonaqpərvərliyinə heyran qaldığını söyləmişdir.
Bölmənin digər xəbərləri
