Göyçayda baş verən yol-nəqliyyat hadisəsi nəticəsində iki nəfər ölüb
Bakı, 4 may, AZƏRTAC
Daxili İşlər Nazirliyi (DİN) Göyçayda baş verən ağır yol-nəqliyyat hadisəsi ilə bağlı məlumat yayıb.
DİN-in mətbuat xidmətindən AZƏRTAC-a bildiriblər ki, Göyçay rayonunun Cəyirli kəndi ərazisində rayon sakinləri R.Abdullayevin idarə etdiyi “Daewoo” və Ələkbər Babayevin idarə etdiyi “VAZ-21011” markalı avtomobillər toqquşub. Nəticədə Ə.Babayev hadisə yerində ölüb, sərnişini Aqşin Allahverdiyev isə xəstəxanaya yerləşdirilib. Həkimlərin səylərinə baxmayaraq, A.Allahverdiyevin həyatını xilas etmək mümkün olmayıb.
Hadisə ilə bağlı Göyçay Rayon Polis Şöbəsi tərəfindən araşdırma aparılır.
Bölmənin digər xəbərləri
