Günəşdə son on il ərzində ən güclü partlayış olub
Bakı, 15 may, AZƏRTAC
Birləşmiş Ştatların Elmi və Tənzimləyici Agentliyinin məlumatına görə, mayın 14-də Günəşdə son on ilin ən böyük partlayışı baş verib.
AZƏRTAC CNN telekanalına istinadla xəbər verir ki, Amerika Milli Okean və Atmosfer Administrasiyası (NOAA) nəzdində fəaliyyət göstərən Kosmik Hava Proqnozları Mərkəzi “X” sosial platformasında bildirib ki, Günəşdən yayılan alov dalğası indiyə qədər qeydə alınan 17-ci ən böyük partlayışdır. Mərkəz xəbərdarlıq edib ki, bəzi radio ötürücülər və oxşar texniki avadanlıqlar güclü məşəldən təsirlənə bilər.
Alov püskürməsi gecə saat 1 radələrində baş verib və ən güclü növ olan “X” sinifli partlayış kimi qiymətləndirilib. Günəş alovları enerjili partlayışlardır və radio siqnallarının dəqiqələr, hətta saatlar ərzində kəsilməsinə səbəb ola bilər. Onlar “A” sinfindən “X” sinfinə qədər təsnif edilir, hər bir sinif öz kateqoriyasında 1-dən 9-a qədər ölçülür. Mayın 14-də baş verən və güclü elektromaqnit qasırğası yaradan partlayışın 9-cu dərəcəyə aid olduğu bildirilir.
Bölmənin digər xəbərləri
