“GÜNƏŞLİ” YATAĞINDA TİKİNTİ VƏ YENİDƏNQURMA İŞLƏRİ APARILIR
Azərbaycan Respublikası Dövlət Neft Şirkətindən (ARDNŞ) AZƏRTAC-a bildirmişlər ki, ''Günəşli'' yatağında yeni quyuların qazılması və istismara verilməsi, habelə aşağı və orta təzyiqli qazın yığılması hesabına 2007-ci ildə əlavə 500 milyon-1 milyard kubmetr qaz hasil etmək nəzərdə tutulur. Bu məqsədlə ''Günəşli'' yatağındakı platformalardan Neft daşlarındakı iriləşdirilmiş separasiya qurğusunadək 22 kilometr uzunluğunda yüksəktəzyiqli qaz kəməri çəkilir. Kəmərin çəkilişi ilə ''Xəzərdənizneftqaztikinti'' tresti və ''Süleyman Vəzirov'' borudüzən gəmisi məşğul olurlar. Yenidənqurmadan sonra kəmərlə sutkada 2 milyon kubmetr qaz nəql etmək mümkün olacaqdır. İnşaatçılar tapşırığı vaxtında yerinə yetirmək üçün bütün qüvvələrini səfərbər etmişlər.
Bölmənin digər xəbərləri
