“Gürcüstan Dəmir Yolları” SC-nin xərcləri gəlirlərini üstələyib
Tbilisi, 9 iyun, AZƏRTAC
Cari ilin yanvar-mart aylarında “Gürcüstan Dəmir Yolları” SC-nin gəlirləri 23,7 faiz artaraq 122 milyon lari təşkil edib.
AZƏRTAC xəbər verir ki, bu barədə Səhmdar Cəmiyyətin cari ilin birinci rübünün maliyyə hesabatında məlumat verilir.
Bildirilir ki, bununla belə, cari ilin birinci rübündə SC-in xərcləri gəlirləri üstələyib və cəmiyyət 163,5 milyon lari itki ilə üzləşib. İtkilərin əsas mənbəyi valyuta bazarındakı qiymət dəyişikliyi və milli valyutanın dəyərini itirməsi olub.
“Gürcüstan Dəmir Yolları” SC -nin gəlirləri yük daşınmalarından 94,5 milyon lari, logistik xidmətlərdən 13,1 milyon lari, sərnişin daşınmalarından 4,7 milyon lari, vaqonların icarəyə verilməsindən 8,3 milyon lari və digər mənbələrdən 2 milyon lari təşkil edib.
“Gürcüstan Dəmir Yolları” SC-nin gəlirləri 2018-ci illə müqayisədə xeyli artıb.
Xətayi Əzizov
AZƏRTAC-ın xüsusi müxbiri
Tbilisi
Bölmənin digər xəbərləri
