GÜRCÜSTAN İQTİSADİ İNKİŞAF NAZİRİNİN MÜAVİNİ RÜŞVƏT ALMAQDA TƏQSİRLƏNDİRİLMİŞDİR
AZƏRTAC-ın xüsusi müxbiri xəbər verir ki, Gürcüstan Daxili İşlər Nazirliyi Konstitusiya Təhlükəsizliyi Departamentinin əməkdaşları ölkənin İqtisadi İnkişaf Nazirliyinin yüksək vəzifəli məmurlarını rüşvət almaqda təqsirləndirərək həbs etmişlər.
Daxili İşlər Nazirliyi mətbuat xidmətinin məlumatına görə, iqtisadi inkişaf nazirinin müavini Beka Okrostsvaridze və nazirliyin özəlləşdirmə departamentinin rəis müavini Laşa Moisterapişvili rüşvət alarkən ifşa olunaraq tutulmuşlar. Həmçinin vətəndaş Tamaz Maçaladze 300 min dollar rüşvət verməkdə təqsirli bilinərək yaxalanmışdır. T.Maçaladze adları çəkilən şəxslərlə cinayət əlaqəsinə girərək Rustavi-Tbilisi yolunun 17-ci kilometrliyində dövlətə məxsus torpaq sahəsini və tikililəri ucuz qiymətə almaq niyyətində imiş.
Həbs olunanlara qarşı ittiham irəli sürülmüşdür.
Bölmənin digər xəbərləri
