GÜRCÜSTAN MİLLİ TƏHLÜKƏSİZLİK ŞURASININ İCLASI KEÇİRİLMİŞDİR
AZƏRTAC-ın xüsusi müxbiri xəbər verir ki, son günlər Gürcüstanın münaqişə bölgələrində vəziyyət gərginləşmişdir. Burada bir neçə partlayış baş vermiş, insanlar həlak olmuş, adam oğurluğu faktları qeydə alınmışdır.
İyulun 8-də Prezident M.Saakaşvili yaranmış vəziyyətlə bağlı Milli Təhlükəsizlik Şurasının iclasını keçirmişdir. Müdafiə naziri David Kezeraşvili osetinlərin 4 gürcü zabitini həbs etmələri barədə məlumat vermişdir. Nazir demişdir ki, hazırda onlar Sxinvalidədirlər. Zabitlərin azad edilməsi üçün iş aparılır.
Prezident M.Saakaşvili bu faktı quldur dəstələrinin adam oğurlaması adlandırmış və müvafiq strukturlara zabitlərin qeyd-şərtsiz azad olunması üçün tapşırıq vermişdir. Şuranın iclasının gedişi zamanı Müdafiə Nazirliyi zabitlərin buraxıldığını bildirmişdir.
Xatırladaq ki, iyulun 8-də səhər osetinlər 4 gürcü hərbi kəşfiyyatçısını tutduqları barədə məlumat yaymışdılar. Gürcü tərəfi isə bu məlumatı təkzib edirdi.
Bölmənin digər xəbərləri
