Gürcüstanda koronavirusa yoluxanların sayı 850 102-yə çatıb
Tbilisi, 1 dekabr, AZƏRTAC
Gürcüstanda son sutkada daha 4459 nəfər koronavirusa yoluxub, 3 957 nəfər müalicə olunaraq sağalıb, 65 pasiyent isə pandemiyanın qurbanı olub.
AZƏRTAC xəbər verir ki, bu barədə Gürcüstan hökumətinin xüsusi rəsmi stopcov.ge saytında məlumat yerləşdirilib.
Bildirilir ki, bununla da, ölkədə COVID-19 infeksiyasına yoluxanların ümumi sayı 850 102-yə, sağalanların sayı 792 158-ə, bu virusdan ölənlərin sayı isə 12 119-a çatıb.
Hazırda Gürcüstanda 1 674 ağır koronavirus xəstəsinin olduğu bildirilir.
Qeyd olunub ki, 1 125 nəfər klinik otellərdə, 41 nəfər karantindədir.
Daha 38 129 nəfər evlərdə müalicə olunur, 41 769 nəfər isə özünütəcrid rejimindədir.
Xətayi Əzizov
AZƏRTAC-ın xüsusi müxbiri
Tbilisi
Bölmənin digər xəbərləri
