Gürcüstanın iqtisadiyyat naziri Bakıya səfər edəcək
Tbilisi, 12 dekabr, AZƏRTAC
Gürcüstanın iqtisadiyyat və davamlı inkişaf naziri Natiya Turnava dekabrın 13-də Azərbaycana səfər edəcək.
AZƏRTAC xəbər verir ki, səfərdə məqsəd Bakıda keçiriləcək Azərbaycan-Gürcüstan biznes forumunda iştirak etməkdir.
İki gün davam edəcək forumda ölkələrimiz arasında iqtisadi əməkdaşlığın daha da genişləndirilməsi, sərmayə qoyuluşu, regional iqtisadi layihələrin perspektivləri və s. məsələlər diqqət mərkəzində olacaq.
Gürcü nazirin Bakıda bir neçə görüşləri də nəzərdə tutulub.
Xətayi Əzizov
AZƏRTAC-ın xüsusi müxbiri
Tbilisi
Bölmənin digər xəbərləri
