Gürcüstanın Mestia rayonu ərazisində meşə yanğınları davam edir
Tbilisi, 7 iyul, AZƏRTAC
Gürcüstanın Sameqrelo-Zemo Svaneti bölgəsinin Mestia rayonu ərazisində meşə yanğınları 3 gündür davam edir.
AZƏRTAC xəbər verir ki, yanğının söndürülməsinə və daha geniş əraziyə yayılmasının qarşısının alınmasına 100-dən çox yanğınsöndürən və xilasedici briqada, eləcə də Daxili İşlər Nazirliyinin sərhəd polisinin 3 helikopteri cəlb olunub.
Yerli KİV-lərin yazdığına görə, iyulun 7-də gecə saatlarında ərazidə yaşayan bir nəfər yanaraq həlak olub.
Çətin dağ yamacları və küləkli hava yanğının nəzarət altına alınmasına imkan vermir.
Yanğının qeydə alındığı İdliani kəndində 11 ailə yaşayır və bu ailələrdəki uşaqlar ərazidən təxliyə olunublar.
Xətayi Əzizov
AZƏRTAC-ın xüsusi müxbiri
Tbilisi
Bölmənin digər xəbərləri
