Harri Keyn "Tottenhem"i növbəti mövsümdə tərk etməyəcək
Bakı, 1 mart, AZƏRTAC
“Tottenhem”in hücumçusu Harri Keyn böyük ehtimalla gələn mövsüm komandasında oynamağa davam edəcək.
AZƏRTAC “The Telegraph” qəzetinə istinadla xəbər verir ki, London klubunun rəhbərliyi bombardirindən hələlik ayrılmaq istəmir. Bununla belə, 27 yaşlı ingiltərəli futbolçunun qiymətinin zamanla düşəcəyini də başa düşürlər. Məlumatda o da bildirilib ki, dünyada koronavirus pandemiyasının böhrana səbəb olduğu bir vəziyyətdə heç bir klub “Tottenhem”ə həddindən artıq sərfəli bir təklif edə bilməyəcək. Buna görə də, Keynin klubu yalnız tam transfer yolu ilə tərk edə biləcəyi qeyd edilib. Futbolçunun indiki müqaviləsi 2024-cü ilin yayında başa çatacaq.
Harri Keyn bu mövsüm 33 matçda 21 qol vurub.
Bölmənin digər xəbərləri
