CƏMİYYƏT
Hazırda “omikron” ştamının 300-dən çox alt variantı izlənilir
![Hazırda “omikron” ştamının 300-dən çox alt variantı izlənilir](/files/2022/3/1200x630/16663408843893757204_1200x630.jpg)
Bakı, 21 oktyabr, AZƏRTAC
Ümumdünya Səhiyyə Təşkilatı (ÜST) tərəfdaşları ilə birlikdə hazırda koronavirusun “omikron” ştamının 300-dən çox alt variantını izləyir. AZƏRTAC xəbər verir ki, bunu təşkilatın eksperti Mariya van Kerxove keçirilən brifinqdə deyib.
Onun sözlərinə görə, bu alt variantların heç biri dominant deyil. Mütəxəssis, eyni zamanda, virusa nəzarətin zəiflədiyinə və bunun ciddi problemlərə gətirə biləcəyinə diqqət çəkib.
“Hər həftə dünyada milyonlarla yoluxma halının qeydə alınması barədə məlumat verilir. Bununla belə, xəstəliyin yayılmasına nəzarət azalıb. Edilən testlərin sayı və sekvenləşdirilmə azalıb. Bu isə, öz növbəsində, dünya üzrə ekspertlər şəbəkəsi ilə təşkilatımızın vəziyyəti qiymətləndirmək imkanlarını məhdudlaşdırır", - deyə o qeyd edib və xatırladıb ki, vaksinasiya koronavirusla mübarizənin effektiv üsulu olaraq qalır, lakin biz ayıq olmalıyıq.