“HEMOFİLİYA ŞƏKİLLƏRDƏ” KİTABININ TƏQDİMATI KEÇİRİLMİŞDİR
Səhiyyə Nazirliyinin idarə rəisi Şahnaz Baxşəliyeva, respublikanın baş hematoloqu Çingiz Əsədov, elmi-praktik hemofiliya mərkəzinin rəhbəri Elmira Qədimova, HXRA-nın prezidenti Gülnarə Hüseynova və başqaları 17 aprelin Dünya Hemofiliya Günü elan edildiyini, məqsədin diqqəti bu problemə yönəltmək və vəziyyəti kökündən yaxşılaşdırmaq olduğunu bildirmişlər. Dünyada 400 min hemofiliyalı xəstənin olduğu, Azərbaycanda mindən çox xəstənin qeydiyyatdan keçdiyi vurğulanmış, irsi xəstəlik olan hemofiliyanın fəsadları və müalicə metodları barədə məlumat verilmişdir.
Təqdimatı keçirilən məlumat kitabında xəstəliyin yaranmasına, əlamətlərinə, hemofiliyalı uşaqlara qulluğa dair sadə dillə izahların verildiyi və onun poçt vasitəsilə xəstələrə çatdırılacağı bildirilmişdir. Prezident İlham Əliyevin 2005-ci il 18 iyul tarixli Fərmanının hemofiliyalı və talassemiyalı xəstələrə dövlət qayğısının bariz nümunəsi olduğu diqqətə çatdırılmış, yaxın zamanlarda Avropa ölkələrindən qiymətli dərman preparatlarının gətiriləcəyi vurğulanmışdır.
Sonda KİV nümayəndələrinin sualları cavablandırılmışdır.
Bölmənin digər xəbərləri
