Hərbi liseylərə qəbul imtahanının nəticələri açıqlanıb
Bakı, 9 avqust, AZƏRTAC
Dövlət İmtahan Mərkəzi (DİM) Azərbaycan Respublikası Müdafiə Nazirliyinin hərbi liseylərinə 2021-ci il avqustun 4-də keçirilən qəbul imtahanının nəticələrini elan edib.
DİM-dən AZƏRTAC-a bildirilib ki, imtahan vermiş abituriyentlər imtahan nəticələri və “cavab kartı”nın qrafik təsviri ilə Mərkəzin saytında yerləşdirilmiş link vasitəsilə tanış ola bilərlər.
Abituriyentlər imtahanın nəticələri haqqında məlumatı, həmçinin mobil operator nömrələrindən “iş nömrəsi”ni 7727 nömrəsinə göndərməklə öyrənə bilərlər.
İmtahanda iştirakı gözlənilən 1911 abituriyentdən 44 nəfər imtahanda iştirak etməyib. İmtahanın nəticələri ilə əlaqədar müraciətlərə baxılması üçün onlayn qaydada Apellyasiya Komissiyası fəaliyyət göstərəcək. Komissiyaya müraciət etmək üçün elektron ərizə forması apelyasiya.dim.gov.az saytında yerləşdiriləcək. Abituriyentlər Apellyasiya Komissiyasına avqustun 10-11-də müraciət edə bilərlər.
Bölmənin digər xəbərləri
