“Həyat deyəsən davam edir” adlı filmin ilk seriyası yayımlanıb
Bakı, 20 fevral, AZƏRTAC
Narkomanlığa və Narkotik Vasitələrin Qanunsuz Dövriyyəsinə Qarşı Mübarizə üzrə Dövlət Komissiyasının daim fəaliyyət göstərən işçi qrupunun dəstəyi ilə Dövlət Proqramının həyata keçirilməsi üzrə Tədbirlər Planının 4.4.30-cu yarımbəndinin icrası məqsədilə sağlam həyat tərzinin təbliği və narkomanlığın zərəri ilə bağlı çoxseriyalı film hazırlanıb.
Dövlət Komissiyasından AZƏRTAC-a bildirilib ki, “Həyat deyəsən davam edir” adlı filmin ilk seriyası geniş izləyici kütləsi olan videobloger Nail Kəmərli vasitəsilə yutub kanalında yayımlanıb.
Real həyat hadisələrini özündə əks etdirən və əsasən maarifləndirmə funksiyasını yerinə yetirən film tez bir zamanda geniş izləyici sayı ilə rəğbətlə qarşılandığına görə növbəti seriyasının da çəkilişinə Dövlət Komissiyasının daimi fəaliyyət göstərən işçi qrupu tərəfindən dəstək göstərilməsi nəzərdə tutulur.
Bölmənin digər xəbərləri
