Heydər Əliyev Beynəlxalq Aeroportu “gizli” məhdudiyyətləri olan sərnişinlərə xüsusi yardım təklif edir
Bakı, 15 fevral, AZƏRTAC
Heydər Əliyev Beynəlxalq Aeroportu “gözə görünməyən” və ya “gizli” məhdudiyyətləri olan sərnişinlərə xüsusi yardım təklif edir.
Aeroportdan AZƏRTAC-a bildirilib ki, gözə görünməyən məhdudiyyətlərə demensiya, Altsheymer, autizm və s. daxildir. Hava limanında bu cür sənəd təqdim edən sərnişinlərə gizli əlilliyin beynəlxalq simvolu olan sarı günəbaxan naxışlı müvafiq lanyard veriləcək. Lanyard Heydər Əliyev Beynəlxalq Aeroportunda aviasiya təhlükəsizliyi, qeydiyyat, habelə sərhəd və gömrük xidmətləri əməkdaşlarına görünməz əlilliyi olan sərnişinləri müəyyənləşdirməyə kömək edəcək.
Bölmənin digər xəbərləri
