“HEYDƏR ƏLİYEV SİYASİ KURSU VƏ AZƏRBAYCAN DÖVLƏTÇİLİYİ” MÖVZUSUNDA ELMİ-PRAKTİKİ KONFRANS KEÇİRİLMİŞDİR
AZƏRTAC xəbər verir ki, aprelin 10-da Yeni Azərbaycan Partiyası (YAP) Ağcabədi rayon təşkilatı ümummilli lider Heydər Əliyevin anadan olmasının 85-ci ildönümü ilə əlaqədar “Heydər Əliyev siyasəti və Azərbaycan dövlətçiliyi” mövzusunda elmi-praktiki konfrans keçirmişdir.
Tədbirdə çıxış edən YAP Ağcabədi rayon təşkilatının sədri Arif Quliyev və digər natiqlər ulu öndər Heydər Əliyevin Azərbaycan xalqı və dövləti qarşısında misilsiz xidmətlərindən danışmış, onun uzaqgörən müdrik siyasəti nəticəsində ölkədə ictimai-siyasi sabitliyə və sosial-iqtisadi inkişafa nail olunduğunu bildirmişlər.
Tədbirdə ümummilli lider Heydər Əliyevin 85 illik yubileyi münasibətilə keçirilmiş inşa yazı müsabiqəsində fərqlənən 9 məktəbliyə YAP Ağcabədi rayon təşkilatı tərəfindən fəxri fərmanlar, 30 nəfər gəncə Yeni Azərbaycan Partiyasının vəsiqələri təqdim edilmişdir.
Bölmənin digər xəbərləri
