HEYVANDARLIQ MƏHSULLARI İSTEHSALI ARTMIŞDIR
Azərbaycan Respublikası regionlarının sosial-iqtisadi inkişafı Dövlət Proqramına uyğun olaraq həyata keçirilən tədbirlər Ağsu rayonunda kənd təsərrüfatının digər sahələri ilə yanaşı heyvandarlıqda da dinamik inkişafı təmin etmişdir. Bu, cari ilin doqquz ayının yekunlarında öz aydın ifadəsini tapmışdır.
Rayon statistika idarəsindən AZƏRTAC-a verilən məlumatda göstərilir ki, 9 ayda Ağsuda iribuynuzlu mal-qaranın sayı 39.092 başa çatmışdır ki, bu da ötən ilin müvafiq dövründəkindən 315 baş çoxdur. Bu müddətdə davarların sayı 3.930 baş artmış, 146.113 başa çatmışdır. Heyvanların baş sayının artması məhsul istehsalının çoxalması ilə müşayiət olunur. Ötən ilin müaviq dövrünə nisbətən cari ilin doqquz ayında ət (diri çəkidə) istehsalı 88 ton artaraq 3.192 ton, süd istehsalı 385 ton artaraq 18.972 ton, yumurta istehsalı 323 min ədəd artaraq 5 milyon 572 min ədəd təşkil etmişdir. Bu müddətdə 184 ton yun tədarük edilmişdir ki, bu da əvvəlki ilin müvafiq dövrü ilə müqayisədə 9 ton artıqdır.
Bölmənin digər xəbərləri
