İQTİSADİYYAT
“Hidrogen enerjisi: fürsətlər və çağırışlar” mövzusunda vebinar keçiriləcək
Bakı, 18 oktyabr, AZƏRTAC
Oktyabrın 19-da Energetika Nazirliyinin təşkilatçılığı ilə “Hidrogen enerjisi: fürsətlər və çağırışlar” mövzusunda vebinar keçiriləcək.
Nazirlikdən AZƏRTAC-a bildirilib ki, vebinarda Çinin Çenqdu Texnologiya Universitetinin dosenti Tanq Bo tərəfindən hidrogen istehsalı texnologiyaları, onların fərqləri, yaşıl hidrogenin üstünlükləri və onun gələcək enerji landşaftımızdakı rolu haqqında ətraflı məlumat veriləcək, mövzu ilə bağlı suallar cavablandırılacaq. İştirakçılar üçün əlçatanlığı təmin etmək məqsədilə Azərbaycan və ingilis dillərində tərcümə təmin ediləcək.
Onlayn seminarda iştirak etmək istəyənlər 19 oktyabr tarixində saat 15:30-da Energetika Nazirliyi yanında Bərpa Olunan Enerji Mənbələri Dövlət Agentliyinin “facebook” sosial şəbəkəsindəki səhifəsi (https://www.facebook.com/areagovaz) vasitəsilə vebinara qatıla bilərlər.