HİNDİSTANDA VİRUS QIZDIRMASINDAN AZI 162 UŞAQ ÖLMÜŞDÜR
AZƏRTAC Hindistanın Press Trast of İndia agentliyinə istinadla xəbər verir ki, ölkənin Andhra-Pradeş və Maharaştra ştatlarında son bir ayda virus qızdırmasından azı 162 uşaq ölmüşdür. Bu dəhşətli xəstəliyin mənşəyi barədə hələlik rəsmi bir rəy yoxdur. Lakin Nyu-Dehli və Puna virusologiya institutlarında aparılan laboratoriya tədqiqatlarına əsasən mütəxəssislər belə bir qəti fikir söyləmişlər ki, bu, yapon ensefaliti - baş beyində iltihab əmələ gətirən virusdur. Qızdırmanın bir növü olan bu xəstəliyin törədicilərinin daşıyıcıları mığmığadır. Bu virus Asiya regionu üçün xarakterikdir və xəstəlik, adətən, yayda sürətlə yayılır. Yapon ensefalitindən, əsasən, uşaqlar tələf olurlar.
Bölmənin digər xəbərləri
