HOLLANDİYA LİSSABON MÜQAVİLƏSİNİ RATİFİKASİYA ETMİŞDİR
AZƏRTAC-ın xüsusi müxbiri Frans Press agentliyinə istinadla xəbər verir ki, iyulun 8-də Hollandiya Senatı səs çoxluğu ilə Lissabon müqaviləsinin ratifikasiya edilməsi barədə qərar çıxarmışdır. Senatın 75 üzvündən 60-ı ölkənin aşağı palatasının iyunun 5-də müqavilənin ratifikasiya edilməsi barədə çıxardığı qərarı dəstəkləmişdir. Yalnız Sosialist Partiyasının ekstremist sol qolu, SGP xristian və heyvanların müdafiəsi partiyaları, bitərəf bir senator qərarın əleyhinə olmuşlar.
Avropa komissarı Xose Manuel Barrozu Hollandiya Senatının bu addımını yüksək qiymətləndirmişdir.
Xatırladaq ki, İspaniya və Kipr də artıq müqaviləni ratifikasiya etmişlər.
Bölmənin digər xəbərləri
