İÇƏRİŞƏHƏRLƏ TANIŞLIQ
AZƏRTAC xəbər verir ki, TKA Baş Məclisinin VII iclasının iştirakçıları aprelin 30-da İçərişəhərlə tanış olmuşdur.
Qonaqlara məlumat verilmişdir ki, Azərbaycan Prezidentinin 2005-ci il 10 fevral tarixli Sərəncamı ilə “İşərişəhər” Dövlət Tarix-Memarlıq Qoruğu İdarəsi yaradılmış və ötən əsrlərin yadigarı olan abidələrin qorunması və bərpası dövlətimizin daim diqqət mərkəzindədir. Bildirilmişdir ki, İçərişəhər 22,5 hektar ərazini əhatə edir və burada 500-ə yaxın abidə, qədim tikili mövcuddur. Ərazidə yerləşən qədim tikililər, məscidlər, küçələr bu gün də bura üz tutan hər bir qonağın diqqətini cəlb edir.
Qonaqlar Karvansarada da olmuşlar.
Qız qalası ilə yaxından tanış olan qonaqlara məlumat verilmişdir ki, qədim qala 1964-cü ildən muzey kimi fəaliyyət göstərir, 2000-ci ildə YUNESKO-nun abidələri siyahısına salınmışdır.
Qonaqlara İçərişəhərlə bağlı kitablar hədiyyə edilmişdir.
######
 |
 |
Bölmənin digər xəbərləri
