İKİ AMERİKALI DİPLOMAT QIRĞIZISTANDAN ÇIXARILMIŞDIR
Səfirliyin mətbuat üçün xüsusi bəyanatında deyilir: “Rəsmi nümayəndələrin öz statuslarına yaraşmayan fəaliyyətlə məşğul olduqları barədə ittihamlar həqiqətə uyğun deyildir. Belə ittihamlar Qırğızıstanla ABŞ arasında münasibətlərə ziyan vurmaq istəyənlərin xeyrinədir”.
Sənəddə bildirilir ki, “amerikalı diplomatlar qeyri-hökumət təşkilatlarının liderləri ilə qeyri-münasib əlaqələr saxlamaqda təqsirləndirilir. Bunu səfirliyi qorxutmaq və vətəndaş cəmiyyətini susmağa məcbur etmək cəhdi kimi qiymətləndirmək olar. ABŞ Qırğızıstan cəmiyyətinin bütün təbəqələri ilə, o cümlədən hökumətin rəsmi nümayəndələri, müxalifət, qeyri-hökumət və icma təşkilatlarının liderləri ilə əlaqələri davam etdirəcəkdir”.
Yerli KİV-lər Qırğızıstan rəhbərliyindəki mənbələrə istinadla xəbər verirlər ki, beynəlxalq antiterror koalisiyası aviabazasının respublika ərazisində qalmasının şərtləri haqqında iyulun 12-də Bişkekdə ABŞ ilə danışıqlara yenidən başlanmalıdır. Lakin diplomatların ölkədən çıxarılması hadisəsi ilə əlaqədar bu danışıqlar baş tutmaya bilər.
Bölmənin digər xəbərləri
