İkinci Dünya müharibəsində həlak olanların xatirəsi anılıb
Bakı, 22 iyun, AZƏRTAC
Bakıda Yasamal qəbiristanlığında “Bir dəqiqəlik sükut” aksiyası keçirilib.
Bu barədə AZƏRTAC-a Rusiya İnformasiya-Mədəniyyət Mərkəzinin mətbuat xidmətindən bildirilib.
“Rossotrudniçestvo”nun Azərbaycan Respublikasındakı nümayəndəliyinin rəhbəri İrek Zinnurov başda olmaqla Azərbaycanın Rus Gəncləri Assosiasiyası, “Yaşlek” Tatar Gənclər Mərkəzi, Azərbaycanın Rus İcması, Bakıdakı Rus Evinin nümayəndələri Xatirə Memorialının önünə əklil qoyub, İkinci Dünya müharibəsində həlak olanların xatirəsini bir dəqiqəlik sükutla anıblar.
Yasamal qəbiristanlığında cəbhədə aldığı yaralardan Azərbaycanın qospitallarında vəfat edən 200-dən çox İkinci Dünya müharibəsi iştirakçısı dəfn olunub.
Aksiyada həmçinin “Xeyirxah işlər vaxtıdır” forumu çərçivəsində Bakıda səfərdə olan “Vdoxnoviteli (Ruhlandırıcılar)” Ümumrusiya hərəkatının nümayəndələri də iştirak ediblər.
Bölmənin digər xəbərləri
