İLİN SONUNADƏK SAHİBKARLARA DAHA 33,9 MİLYARD MANAT KREDİT VERİLƏCƏKDİR
Sahibkarlığa Kömək Milli Fondundan AZƏRTAC-a bildirmişlər ki, Azərbaycan Prezidenti İlham Əliyevin Sərəncamı ilə sahibkarlığın inkişafına dövlət yardımı üçün ayrılmış 100 milyard manat güzəştli kreditin 58,1 milyard manatı respublikamızın 50 şəhər və rayonunda 700 sahibkara verilmiş, təqdim olunmuş layihələrin həyata keçirilməsinin ilkin mərhələsində daha 2 min yeni iş yeri açılmışdır. Dövlət büdcəsindən 8 milyard manat birbaşa Naxçıvan Muxtar Respublikasında sahibkarlığın inkişafı üçün köçürülmüşdür.
Qalan 33,9 milyard manatın isə ilin sonuna kimi sahibkarlara verilməsi təmin ediləcəkdir. Hazırda bununla bağlı 24 müvəkkil kredit təşkilatı ilə birlikdə müvafiq sənədlər hazırlanır.
Bölmənin digər xəbərləri
