İmişlidə 6 tona yaxın yaş barama tədarükü gözlənilir
İmişli, 14 may, Aydın Yavərzadə, AZƏRTAC
Bu mövsüm İmişlidə 75 kümçü barama saxlamaq üçün ipəkqurdu toxumu təhvil alıb. Artıq təsərrüfatlarda bəslənilən ipəkqurdları üçüncü yuxu dönəmindədir. Rayon üzrə ümumilikdə 6 tona yaxın yaş barama tədarükü gözlənilir.
AZƏRTAC-ın bölgə müxbiri xəbər verir ki, baramaçılıq İmişlidə də artıq ənənə halını alan təsərrüfatlar sırasındadır. Ötən il baramaçılıqdan yüksək qazanc əldə edən kümçülər cari ildə də ipəkqurdu becərmək üçün toxum təhvil götürüblər. İmişli Rayon Dövlət Aqrar İnkişaf mərkəzindən verilən məlumata görə, bu il rayonda hər birinə 2 qutu olmaqla, 75 kümçüyə ipəkqurdu toxumu təhvil verilib. Baramaçılığın inkişafı üçün yem bazası kimi mövcud olan tut bağlarından istifadə edilir.
Ötən il İmişli kümçüləri tərəfindən 4 tondan çox yaş barama yığılaraq təhvil verilib.
Bölmənin digər xəbərləri
